A Famous Urdu Poetess Saghar Siddiqui &Ghazals, Poetry

ساغر صدیقی اردو شاعریکا ایک معتبر اور قدآور نام

ساغر صدیقی1928ءانبالہ بھارت میں پیدا ہوئے۔ انہوں نے اپنا بچپن سہارنپور اور انبالہ میں گزرا ۔ساغر صدیقی کا اصل نام محمداختر شاہ تھا اور وہ اپنے ماں باپ کی اکلوتی اولاد تھے ۔

ساغر صدیقی نے ایک مرتبہ کہا تھا:

 "میری ماں دلی کی تھی، باپ پٹیالے کا، پیدا امرتسر میں ہوا، زندگی لاہور میں گزاری! میں بھی عجیب چوں چوں کا مربّہ ہوں"

اس قول میں صرف ایک معمولی غلطی کے سوا اور سب سچ ہے۔"

ساغر صدیقی کو اپنے اکلوتے ہونے کا بھی بہت رنج تھا، وہ ایک جگہ لکھتے ہیں کہ

 "میں نے دنیا میں خداوندِ رحیم و کریم سے بہن بھائی کا عطیہ بھی نہیں پایا۔ یہ معلوم نہیں کہ خدا کو اِس تنہائی سے یگانہ بنانا مقصود تھا یا بیگانہ؟ بہر حال شاید میری تسکینِ قلبی کے لئے کسی کا نام بھائی رکھ دیا گیا ہوجو سراسر غلط ہے۔ دنیا کی چھ سمتوں پہ نظر رکھنے والے صاحبِ فراست لاہور کی سڑکوں پر مجھے جب چاہیں ٹوٹا ہوا بازو کالی چادر میں چھپائے، احساس کے الٹے پاؤں سے چلتا پھرتا دیکھ سکتے ہیں۔اگر کوئی بہن بھائی ہوتا تو یہ حال نہ ہوتا۔"

ساغر صدیقی  کا بچپن انتہائی نا مساعد حالات میں گزرا۔ ساغر صدیقی نے حبیب حسن خاں سے گھر پہ ہی اردو زبان کی تعلیم حاصل کی۔ اسی دور میں ساغر صدیقی  میں شاعری کا جذبہ پروان چڑھا جس نے محمد اختر شاہ کو ساغر صدیقی  بنا دیا۔ ساغر نے ابتدا میں ناصر حجازی تخلص رکھا تھا مگر بعد میںساغر صدیقی رکھ لیا۔ ساغر نے کلام پر اصلاح لینے کے لیے لطیف انور گورداسپوری مرحوم کا انتخاب کیا اور ان سے بہت فیض اٹھایا۔ساغر صدیقی نے امرتسر میں کنگھیاں بنانے کا کام بھی کیا۔

ساغر صدیقی کی اصل شہرت 19444ء میں ہوئی۔ اس سال امرتسر میں ایک بڑے پیمانے پر مشاعرہ قرار پایا۔ اس میں شرکت کے لیے لاہور کے بعض شاعر بھی مدعو تھے۔ ان میں ایک صاحب کو معلوم ہوا کہ یہ "لڑکا" (ساغر صدیقی) بھی شعر کہتا ہے۔ انہوں نے منتظمین سے کہہ کر اسے مشاعرے میں پڑھنے کا موقع دلوا دیا۔ ساغر کی آواز میں بلا کا سوز تھا اور وہ ترنم میں پڑھنے میں جواب نہیں رکھتا تھا۔ بس پھر کیا تھا، اس شب اس نے صحیح معنوں میں مشاعرہ لوٹ لیا۔

19477ء میں پاکستان بنا تو وہ امرتسر سے لاہور چلا گیا۔ یہاں دوستوں نے اسے ہاتھوں ہاتھ لیا۔ اس کا کلام مختلف پرچوں میں چھپنے لگا۔ سینما فلم بنانے والوں نے اسے گیتوں کی فرمائش کی اور اسے حیرت ناک کامیابی ہوئی۔ اس دور کی متعدد فلموں کے گیت ساغر صدیقی کے لکھے ہوئے ہیں۔ اس زمانے میں اس کے سب سے بڑے سرپرست انور کمال پاشا (ابن حکیم احمد شجاع مرحوم) تھے۔ جو پاکستان میں فلم سازی کی صنعت کے بانیوں میں ہیں۔ انہوں نے اپنی بیشتر فلموں کے گانے ساغر سے لکھوائے اور یہ بہت مقبول ہوئے۔ساغر صدیقی نے لکھا تھا کہ

"تقسیم کے بعدصرف شعر لکھتا ہوں، شعر پڑھتا ہوں، شعر کھاتا ہوں، شعر پیتا ہوں۔"

ساغر صدیقی کی شاعری کے سلسلے میں ایک واقعہ بہت اہمیت کا حامل ہے۔ قصہ کچھ یوں ہے کہ:

لائل پور کاٹن مل میں ملک گیر طرحی مشاعرہ ہوتا تھا۔ 19588ء میں جگر مراد آبادی کی صدارت میں مشاعرہ ہوا۔ مصرع طرح تھا

سجدہ گاہ عاشقاں پر نقش پا ہوتا نہیں

 مختلف شعراء کے بعد ساغر صدیقی نے اپنی یہ غزل سنائی

ایک وعدہ ہے کسی کا جو وفا ہوتا نہیں

ورنہ ان تاروں بھری راتوں میں کیا ہوتا نہیں

جی میں آتا ہے الٹ دیں انکے چہرے سے نقاب

حوصلہ کرتے ہیں لیکن حوصلہ ہوتا نہیں

شمع جس کی آبرو پر جان دے دے جھوم کر

وہ پتنگا جل تو جاتا ہے فنا ہوتا نہیں

اب تو مدت سے رہ و رسمِ نظارہ بند ہے

اب تو ان کا طُور پر بھی سامنا ہوتا نہیں

ہر شناور کو نہیں ملتا تلاطم سے خراج

ہر سفینے کا محافظ ناخدا ہوتا نہیں

ہر بھکاری پا نہیں سکتا مقامِ خواجگی

ہر کس و ناکس کو تیرا غم عطا ہوتا نہیں

ہائے یہ بیگانگی اپنی نہیں مجھ کو خبر

ہائے یہ عالم کہ تُو دل سے جُدا ہوتا نہیں

بارہا دیکھا ہے ساغرؔ رہگذارِ عشق میں

کارواں کے ساتھ اکثر رہنما ہوتا نہیں

  یہ غزل سن کر جگر جھوم اٹھے اور حاضرین محفل نے خوب داد دی ۔ جگر مرادآبادی نے اپنی باری آنے پر کہا کہ میری غزل کی ضرورت نہیں حاصل مشاعرہ غزل ہو چکی اور اپنی غزل کو اسیٹج پر ہی پھاڑ دیا۔

ساغر صدیقی نے ہفت روزہ "تصویر" کی ادارت بھی کی۔ ایک اور واقعہ جو وکیپیڈیا سے لیا گیا ہے، پڑھنے اور ساغر صدیقی  کوخراجِ تحسین پیش کرنے کے قابل ہے۔

اکتوبر 19588ء میں پاکستان میں فوجی انقلاب میں محمد ایوب بر سر اقتدار آگئے اور تمام سیاسی پارٹیاں اور سیاست داں جن کی باہمی چپقلش اور رسہ کشی سے عوام تنگ آ چکے تھے۔ حرف غلط کی طرح فراموش کر دیے گئے۔ لوگ اس تبدیلی پر واقعی خوش تھے۔ ساغر صدیقی نے اسی جذبے کا اظہار ایک نظم میں کیا ہے، اس میں ایک مصرع تھا:

کیا ہے صبر جو ہم نے، ہمیں ایوب ملا

 یہ نظم جرنیل محمد ایوب کی نظر سے گزری یا گزاری گئی۔ اس کے بعد جب وہ لاہور آئے تو انہوں نے خواہش ظاہر کی کہ میں اس شاعر سے ملنا چاہتا ہوں جس نے یہ نظم لکھی تھی۔ اب کیا تھا! پولیس اور خفیہ پولیس اور نوکر شاہی کا پورا عملہ حرکت میں آگیا اور ساغرساغر صدیقی  کوئی ٹھور ٹھکانہ تو تھا نہیں، جہاں سے وہ اسے پکڑ لاتے۔ پوچھ‍ گچھ‍ کرتے کرتے سر شام پولیس نے اسے پان والے کی دوکان کے سامنے کھڑے دیکھ‍ لیا۔ وہ پان والے سے کہہ رہا تھا کہ پان میں قوام ذرا زیادہ ڈالنا۔ پولیس افسر کی باچھیں کھل گئیں کہ شکر ہے ظلّ سبحانی کے حکم کی تعمیل ہو گئی۔ انہوں نے قریب جا کر ساغر سے کہا کہ آپ کو حضور صدر مملکت نے یاد فرمایا ہے۔ ساغر نے کہا:

 بابا ہم فقیروں کا صدر سے کیا کام! افسر نے اصرار کیا، ساغر صدیقی نے انکار کی رٹ نہ چھوڑی۔ افسر بے چارا پریشان کرے تو کیا کیونکہ وہ ساغر کو گرفتار کرکے تو لے نہیں جا سکتا تھا کہ اس نے کوئی جرم نہیں کیا تھا اور اسے کوئی ایسی ہدایت بھی نہیں ملی تھی، جرنیل صاحب تو محض اس سے ملنے کے خواہشمند تھے اور ادھر یہ "پگلا شاعر" یہ عزت افزائی قبول کرنے کو تیار نہیں تھا۔ اب افسر نے جو مسلسل خوشامد سے کام لیا، تو ساغر نے زچ ہو کر اس سے کہا:

 ارے صاحب، مجھے گورنر ہاؤس میں جانے کی ضرورت نہیں۔ وہ مجھے کیا دیں گے۔ دو سو چار سو، فقیروں کی قیمت اس سے زیادہ ہے۔ جب وہ اس پر بھی نہ ٹلا تو ساغر نے گلوری کلے میں دبائی اور زمین پر پڑی سگرٹ کی خالی ڈبیہ اٹھا کر اسے کھولا۔ جس سے اس کا اندر کا حصہ نمایاں ہو گیا۔ اتنے میں یہ تماشا دیکھنے کو ارد گرد خاصی بھیڑ جمع ہو گئی تھی۔ ساغر صدیقی نے کسی سے قلم مانگا اور اس کاغذ کے ٹکڑے پر یہ شعر لکھا

:

جس عہد میں لٹ جائے فقیروں کی کمائی

اس دور کے سلطان سے کچھ بھول ہوئی ہے

 ساغر صدیقی بقلم خود

اور وہ پولیس افسر کی طرف بڑھا کر کہا:

یہ صدر صاحب کو دے دینا، وہ سمجھ جائیں گے اور اپنی راہ چلا گیا۔

ساغر صدیقی نے بہت سنہری دور دیکھا تھا مگر پھر وہ آہستہ آہستہ نشے کی دلدل میں ایسے پھنسا کہ پھر باہر نہ نکل سکا اور دنیا نے اُسے فراموش کر دیا۔ ساغر اس لت میں کیسے پڑا، یہ ہمیں وکیپیڈیا کچھ اس طرح بتاتا ہے کہ:

1952 ء کی بات ہے کہ وہ ایک ادبی ماہنامے کے دفتر میں بیٹھے تھے۔ انہوں نے سردرد اور اضمحلال کی شکایت کی۔ پاس ہی ایک اور شاعر دوست بھی بیٹھے۔ انہوں نے تعلق خاطر کا اظہار کیا اور اخلاص ہمدردی میں انہیں مارفیا کا ٹیکہ لگا دیا۔ سردرد اور اضمحلال تو دور ہو گیا لیکن اس معمولی واقعے نے ان کے جسم کے اندر نشّہ بازی کے تناور درخت کا بیج بو دیا۔ بدقسمتی سے ایک اور واقعے نے اس رجحان کو مزید تقویت دی۔

 اس زمانے میں وہ انارکلی لاہور میں ایک دوست کے والد (جو پیشہ کے لحاظ سے ڈاکٹر تھے) مطب کی اوپر کی منزل میں رہتے تھے۔ اسی کمرے میں ان کے ساتھ‍ ایک دوست بھی مقیم تھے (اب نام کیا لکھوں) ان صاحب کو ہر طرح کے نشوں کی عادت تھی۔ ہوتی کو کون ٹال سکتا ہے۔ ان کی صحبت میں ساغر بھی رفتہ رفتہ اولا بھنگ اور شراب اور ان سے گزر کر افیون اور چرس کے عادی ہوگئے۔ اگر کوئی راہ راست سے بھٹک جائے اور توفیق ایزدی اس کی دستگیری نہ کرے، تو پھر اس کا تحت الثری سے ادھر کوئی ٹھکانہ نہیں رہتا۔

 یہی ساغر کے ساتھ‍ ہوا اور افسوس سے کہنا پڑتا ہے کہ خود ان کے دوستوں میں سے بیشتر ان کے ساتھ‍ ظلم کیا۔ یہ لوگ انہیں چرس کی پڑیا اورمارفیا کے ٹیکے کی شیشیاں دیتے اور ان سے غزلیں اور گیت لے جاتے، اپنے نام سے پڑھتے اور چھپواتے اور بحیثیت شاعر اور گیت کار اپنی شہرت میں اضافہ کرتے۔ اس کے بعد اس نے رسائل اور جرائد کے دفتر اور فلموں کے اسٹوڈیو آنا جانا چھوڑ دیا۔ اس میں بھی کوئی مبالغہ نہیں کہ اداروں کے کرتا دھرتا اس کے کام کی اجرت کے دس روپے بھی اس وقت ادا نہیں کرتے تھے، جب وہ ان کے در دولت کی چوکھٹ پر دس سجدے نہ کرے۔ اس نے ساغر کے مزاج کی تلخی اور دنیا بیزاری اور ہر وقت "بے خود" رہنے کی خواہش میں اضافہ کیا اور بالکل آوارہ ہوگیا۔ نوبت بايں رسید کہ کہ کبھی وہ ننگ دھڑنگ ایک ہی میلی کچیلی چادر اوڑھے اور کبھی چیتھڑوں میں ملبوس، بال بکھرائے ننگے پاؤں۔۔۔۔ منہ میں بیڑی یا سگریٹلیے سڑکوں پر پھرتا رہتا اور رات کو نشے میں دھت مدہوش کہیں کسی سڑک کے کنارے کسی دوکان کے تھڑے یا تخت کے اوپر یا نیچے پڑا رہتا۔

 اب اس کی یہ عادت ہو گئی کہ کہیں کوئی اچھے وقتوں کا دوست مل جاتا تو اس سے ایک چونی طلب کرتا۔ اس کی یہ چونی مانگنے کی عادت سب کو معلوم تھی چنانچہ بار بار ایسا ہوا کہ کسی دوست نے اسے سامنے سے آتے دیکھا اور فورا جیب سے چونّی نکال کر ہاتھ‍ میں لے لی۔ پاس پہنچے اور علیک سلیک کے بعد مصافحہ کرتے وقت چونی ساغر کے ہاتھ‍ میں چھوڑ دی۔ وہ باغ باغ ہو جاتا۔ یوں شام تک جو دس بیس روپے جمع ہو جاتے، وہ اس دن کے چرس اور مارفیا کے کام آتے۔ فاعتبروا یا اولی الابصار۔

جنوری1974ء میں اس پر فالج کا حملہ ہوا اس کا علاج بھی چرس اور مارفیا سے کیا گیا۔ فالج سے تو بہت حد تک نجات مل گئی، لیکن اس سے دایاں ہاتھ‍ ہمیشہ کے لیے بے کار ہو گیا۔ پھر کچھ‍ دن بعد منہ سے خون آنے لگا۔ اور یہ آخر تک دوسرے تیسرے جاری رہا۔ ان دنوں خوراک برائے نام تھی۔ جسم سوکھ‍ کر ہڈیوں کا ڈھانچہ رہ گیا تھا۔ سب کو معلوم تھا کہ اب وہ دن دور نہیں جب وہ کسی سے چونی نہیں مانگے گا۔ساغر صدیقی کے آخری ایام داتا دربار کے سامنے پائلٹ ہوٹل کے فٹ پاتھ پر گذرے۔اور ان کی وفات بھی اسی فٹ پاتھ پر ہوئی۔

ساغر صدیقی کی تاریخَ وفات کے متعلق میں نے کچھ کتابوں میں 18 جولائی پڑھا ہے جبکہ وکیپیڈیا پہ  19 جولائی لکھا ہوا ہے۔ اگر کسی علم میں درست تاریخ ہو تو مطلع فرمائیں۔ بہرحال جولائی 1974ءصبح کے وقت اس کی لاش سڑک کے کنارے ملی اور دوستوں نے لے جا کر اسے میانی صاحب کے قبرستان میں دفن کر دیا۔

انا للہ وانا الیہ راجعون

ساغر صدیقی کے شعری مجموعوں میں 

کلیات ساغر 

         غمِ بہار، زہرِ آرزو، لوحِ جنوں، شبِ آگہی اور سبز گنبد شامل ہیں۔

ساغر صدیقی کہا کرتے تھے کہ "لاہور میں بہت قیمتی خزانے دفن ہیں مگر انہیں آسانی سے تلاش نہیں کیا سکتا ۔" اور بے شک ساغر صدیقی بھی انہی خزانوں میں سے ایک ہیں

کانٹوں سے بھرا ہے دامنِ دِل شبنم سے سُلگتی ہیں پلکیں

پُھولوں کی سخاوت کیا کہئیے کُچھ یاد رہی کُچھ بھول گئے

اب اپنی حقیقت بھی ساغر بے ربط کہانی لگتی ہے

دُنیا کی کی حقیقت کیا کہئیے کُچھ یاد رہی کُچھ بھول گئے

///////////////////////////////////////////////

ڈوبنے کا خیال تھا ساغر

ہائے ساحل پہ نا خدا نا ہوا

 ساغر صدیقی

///////////////////////////////////////////////

ساغر لٹے لٹے ہے ستارے بجهے بجهے

شائد میرے نصیب کے دن رات جل گئے

 ساغر صدیقی

جو دیکھتا ہوں وہی بولنے کا عادی ہوں

 میں اپنے شہر کا سب سے بڑا فسادی ہوں

وہ میری خاموشی نہیں سنتا ‏

مجھ سے آواز دی نہیں جاتی

بیزار، بد مزاج ______ انادار، بد لحاظ ' ایسے نہیں تھے جیسے تیرے بعد ہو گئے

ایسی تجلیاں ہیں کہاں آفتاب میں

انوارِ خاص ہیں میرے جامِ شراب میں

ساغر صدیقی

مرے لہو سے وضو، اور پھر وضو پہ وضو

ڈرا ھُوا ھُوں زمانے ! تری نماز سے مَیں

 رفیع

مجهے وہ دشمن ایمان بے نیازی میں

 قسم خدا کی خدا سا دیکهائی دیتا ہے

وہ ایک شخص جو کترا کے پاس سے گزرا

کوئی پرانا شناسا دیکهائی دیتا ہے

        حسن شادحسن شاد

کلیات ساغر

 من چاہے غزل پر کلک کریں اور ساغر کی بہترین شاعری سے لطف اندوز ہو جائیں شکریہ

·   آج روٹھے ہوئے ساجن کو بہت یاد کیا

·    اچھال جام، کہ تسخیر کائنات کریں

·    احتیاطا فقر کا ہر مرحلہ کٹتا رہا

·    آزادیوں کے نام پہ رسوائیاں ملیں

·    اس درجہ عشق موجب رسوائی بن گیا

·    اس میں شامل دشت و صحرا، اور ویراں اس کی بات

·    اشک رواں نہیں ہیں، ندامت کے پھول ہیں

·    اگرچہ ہم جارہے ہیں محفل سے نالہء دل فگار بن کر

·    آلام کی یورش میں بھی خورسند رہے ہیں

·    آوارگی برنگ تماشا بری نہیں

·    ایسی تجلیّاں ہیں کہاں آفتاب میں

·    ایک نغمہ، ایک تارا، ایک غنچہ، ایک جام

·    ایک وعدہ ہے کسی کا جو وفا ہوتا نہیں

·      اے حسن لالہ فام! زرا آنکھ تو ملا

·    اے دل بے قرار چپ ہو جا

·    بزرگوں کی دعائیں مل رہی ہیں

·    بگڑا جو نقش زیست، بنا شاہکار زیست

·    بن گئے اشک جفا کی تصویر

·      بھنور آنے کو ہے اے اہل کشتی، ناخدا چن لیں

·    پھول جلتے ہیں، ہار جلتے ہیں

·    پھول چاہے تھے مگر ہاتھ میں آئے پتھر

·    پھول مسلیں تو انہیں نغمہ و جھنکار ملیں

·    تاروں سے میرا جام بھرو میں نشے میں ہوں

·    تری دنیا میں یارب زیست کے سامان جلتے ہیں

·    تری نظر کے اشاروں سے کھیل سکتا ہوں

·    ترے غم کی تلاوت کر رہے ہیں

·    تفریق نے جادو ہی جگایا ہے بلا کا

·    تیری نظر کا رنگ بہاروں نے لے لیا

·    تیرے دامن کی ہوا مانگتے ہیں

·    جام پی کر جو دور تک دیکھا

·    جام حالات پر بہار کرو

·    جب تصور میں جام آتے ہیں

·    جب گلستاں میں بہاروں کے قدم آتے ہیں

·    جلوے مچل رہے ہیں نظاروں کی آگ میں

·    جمال انجمن ہم سے، وقار انجمن ہم ہیں

·    جور و ستم کی رسمیں تقریب بن گئی ہیں

·    جھوم کر گاؤ میں شرابی ہوں

·    چاک دامن کو جو دیکھا تو ملا عید کا چاند

·    چاندنی اور موتیے کے پھول

·    چاندنی کو رسول کہتا ہوں

·    چمن سے، برق و شرر سے خطاب کرتا ہوں

·    چھپائے دل میں غموں کا جہان بیٹھے ہیں

·    خون بادل سے برستے دیکھا

·    خیال ہے کہ بجھا دو یہ روشنی کے چراغ

·    خیال یار میں ہم پربہار رہتے ہیں

·    درد کے ماروں پہ ہنستا ہے زمانہ بے خبر

·   دکھ درد کے طوفان میں آلام کے جنگل

·    دل ملا اور غم شناس ملا

·    دو جہانوں کی خبر رکھتے ہیں

·    دھڑکنیں زندگی کے دامن میں

·    دیار لالہ و سرو و سمن سے گزرے ہیں

·   زرا کچھ اور قربت زہر داماں لڑکھڑاتے ہیں

·    زرا گیسوئے یار کھولے گئے ہیں

·    رہگزر کے چراغ ہیں ہم لوگ

·    زندگی رقص میں ہے جومتی ناگن کی طرح

·    زہر قاتل ہے آبگینوں میں

·    ستم جاگتے ہیں کرم سو رہے ہیں

·    سر مقتل ہمیں نغمات کی تعلیم دیتے ہیں

·    سکوت غم سے جو گزرے نہ پھر ملی آواز

·    سوچیے مے کشی کے بارے میں

·    سوکھ گئے پت جھڑ میں پات

·    شعلہ رخ مست نظر یاد آیا

·    شعلے آنچ دھواں اور آگ

·    صراحی جام سے ٹکرائیے برسات کے دن ہیں

·    عظمت زندگی کو بیچ دیا

·    غم کی تصویر غزل کے اشعار

·    غم کے مجرم خوشی کے مجرم ہیں

·    فریاد کے تقاضے ہیں نغمہ و سخن میں

·    فضائے نیم شبی کہہ رہی ہے، سب اچھا

·    قریب دار کٹا دن تو رات کانٹوں پر

·    کچھ لوگ بچھا کر کانٹوں کو گلشن کی توقع رکھتے ہیں

·    کچھ نہیں مدّعا فقیروں کا

·    کلیوں کی مہک ہوتا، تاروں کی ضیا ہوتا

·    کوئی نالہ یہاں رسا نہ ہوا

·    کھلتے رہیں گے صحن چمن میں ہزار پھول

·    گدا قناعت کو بیچتے ہیں
· کس مسرت سے پہنچے تھے ہم بزم میں

·    گلوں کے اشارے دعا کر رہے ہیں

·    لوگ لے لیتے ہیں یونہی شمع پروانے کا نام

·    مانگی ہے اس ديار میں دونوں جہاں کی بھیک

·    متاع دل سے خالی ہو گئے ہیں

·    متاع کوثر و زمزم کے پیمانے تری آنکھیں

·    محفلیں لٹ گئیں، جذبات نے دم توڑ دیا

·    مزاج شمع میں کچھ‍ ذوق پروانہ بھی ہوتا تھا

·    مسکراؤ بہار کے دن ہیں

·    منزل غم کی فضاؤں سے لپٹ کر رو لوں

·    موجزن وقت کے دریا میں نوائے درویش

·    مٹ گئیں روشنی میں تحریریں

·    میں التفات یار  کا قائل نہیں ہوں دوست

·    میں تلخئ حیات سے گھبرا کے پی گی

·    میں کہ آشفتہ و رسوا سر بازار ہوا

·    نالہ حدود کوئے رسا سے گزر گیا

·    نگاروں کے میلے ستاروں کے جھرمٹ

·    نہ شان قیصر و کسری، نہ سطوت کے لا

·    نہ کشتیوں کا نہ کناروں کا احترام کرو

·    وسعت گيسوئے جاناں سے الجھ بیٹھے ہیں

·    وقار انجمن ہم سے، فروغ انجمن ہم ہیں

·    ہر تمنا کا لہو کرتے چلیں 

·    ہر مرحلہ شوق سے لہرا کے گزر جا

·    ہم بڑی دور سے آئے ہیں تمہاری خاطر

·    ہنس نہیں سکتے شگوفے تازگی سے روٹھ کر

·    ہیں کتنی سازگار زمانے کی تلخیاں

·    ہے دعا یاد مگر حرف دعا یاد نہیں

·    یقین کر کہ یہ کہنہ نظام بدلے گا

·    یہ جو دیوانے سے دو چار نظر آتے ہیں