شاعری بھی بارش ہے
جب برسنے لگتی ہے ۔۔۔۔۔۔
سوچ کی زمینوں کو رنگ بخش دیتی ہے
لفظ کو معانی کے ڈھنگ بخش دیتی ہے !!
نِت نئے خیالوں کی کونپلیں نکلتی ہیں،
اور پھر ۔۔۔۔۔۔۔۔ روانی پر یوں بہار آتی ہے،
جیسے ۔۔۔۔۔۔۔۔۔۔۔۔۔۔۔
ٹھوس پربت سے، گنگناتی وادی میں ۔۔۔۔۔۔
آبشار آتی ہے !!
شاعری بھی بارش ہے،
اُن دلوں کی دھرتی پر ۔۔۔۔۔۔۔۔
غم کی آگ نے جِن کو ۔۔۔۔۔۔۔راکھ میں بدل ڈالا
ذہن و دِل کا ہرجذبہ ۔۔۔۔۔۔۔۔ جیسے خاک کرڈالا۔
ایسی سرزمینوں پر ۔۔۔۔۔۔۔۔۔۔۔۔
بارشیں برسنے سے ۔۔۔۔۔۔۔ فرق کچھ نہیں پڑتا
No comments:
Post a Comment